La procura publica a Paris communitgescha che l'um era gia enconuschent als servetschs secrets pervi da sia radicalisaziun. El n'era dentant betg prechastià. Perquai ch'el haja empruvà da viagiar en Sira vegniva el surveglià da temp en temp.
El e ses cumplizi avevan assaglì il mardi ina baselgia durant ina messa e mazzà in spiritual. La milissa da terror Stadi islamic era sa responsada per l'act da terror.
