Siglir tar il cuntegn

Header

video
Polizia en acziun suenter attatga a Paris
Or da News-Clip dals 23.12.2022.
laschar ir. Durada: 12 Secundas.
cuntegn

Frantscha Trais morts suenter attatga sin center communal curd a Paris

A Paris èn mortas almain trais persunas tras in sajettim. Almain trais ulteriuras persunas sajan vegnidas blessadas, tenor las autoritads franzosas. Ils morts en tuts d'origin curd.

L'attatga è capitada venderdi a mezdi en il dieschavel arrondissement a Paris. Igl ha tutgà in center cultural curd en la Rue d'Enghien.

En connex cun il delict haja la polizia arrestà in um da 69 onns. Tenor la procura publica è l'um gia stà en praschun pervia d'ina attatga sin migrants cun ina spada l'onn passà.

Tenor la presidenta communala Alexandra Cordebard ha l'um sajettà en il center communal curd, e sin l'autra vart da la via, en in restaurant ed en in coiffeur. La procura publica investighescha pervia da mazzament intenziunà e violenza greva.

RTR novitads 15:00

Artitgels legids il pli savens

Scrollar a sanestra Scrollar a dretga