Mintgin che veglia, possia sa participar a questa reserva operativa, uschia Cazeneuve suenter l'attatga sanguinusa a Nizza la notg sin vernderdi. I na dovria nagina scolaziun militara ma l'appell sa drizzi er ad anteriura schuldada.
La reserva operativa franzosa sa cumpona actualmain da 12'000 persunas facultativas, 9'000 d'ellas tutgan tar la polizia paramilitara, 3'000 tar la polizia regulara. La truppa facultativa po rinforzar la polizia e la schandarmaria franzosa cunzunt per segirar lieus d'occurrenza.
RR novitads 08:00