Frantscha: Unic auzament da taglia incassescha 5 milliardas euros

L'assamblea naziunala ha approvà in auzament da taglia dispitaivel per interpresas grondas. La regenza vul incassar cun in unic supplement da taglia radund tschintg milliardas euros. La maioritad dals deputads ha sustegnì quella proposta.

President da la Frantscha Emmanuel Macron. Bild in Lightbox öffnen.

Legenda da maletgs: Interpresas cun ina svieuta sur ina milliarda euros duajan pajar unicamain ina taglia d'interpresa da 15%. Keystone

Uschia duajan interpresas cun ina svieuta sur ina milliarda ad onn pajar unicamain ina taglia d'interpresa da 15%. Interpresas cun ina svieuta annuala da passa trais milliardas euros avessan da pajar in augment da taglia unic da 30%.

Igl augment da taglia duai garantir che la Frantscha po sa tegnair vi dal cunfin da debits che l'Uniun europeica pretenda. Las taxas unicas èn vegnidas necessarias perquai che la dretgira constituziunala aveva declerà la taglia sin dividendas sco nunvalaivla.

Il sboz da lescha sto anc vegnir approvà dal senat franzos.

RR novitads 06:00