Legenda:
Il Cussegl da segirtad da l'ONU ha da s'occupar cun la resoluziun da la Frantscha.
Reuters
cuntegn
Exteriur - Frantscha vul cumbatter communablamain il SI
Ils stadis commembers da l'ONU duain cumbatter communablamain cunter la gruppa da terror Stadi Islamic. Quai pretenda la Frantscha en in sboz per ina resoluziun ch'ella ha preschentà als auters commembers dal cussegl da segirezza. En quest scriver condemnescha la Frantscha ils attentats da Paris.
Plinavant pretenda il sboz che tut ils pajais, che hajan la pussaivladad, duain cumbatter l'SI. Ils pajais duain coordinar las mesiras cunter attatgas ed impedir ch'ulteriurs burgais sa collian cun la gruppa da terror.
La mesemna passada aveva la Russia gia proponì in sboz per ina resoluziun. Quel aveva la cuminanza internaziunala renvià perquai ch'el pretendeva tranter auter ina cooperaziun cun il president Baschar al Assad.
