En in discurs cun la cussegliera federala Eveline Widmer-Schlumpf haja il minister da finanzas franzos, Michel Sapin, concedì che la Frantscha vegnia a transferir ils daners aifer ils proxims dis. Quai conferma il departament federal da finanzas.
Frantscha ha da restituir als chantuns dals cunfinaris
Ir, vai per daners da taglia che la Frantscha retira da cunfinaris franzos che lavuran en Svizra. La Frantscha sto restituir a la Svizra 4,5% da la summa da salari dals cunfinaris franzos che lavuran en Svizra. Sulet il chantun Vad avess da bun passa 100 milliuns francs. Il Giura pretenda 20 milliuns. Il 2014 sa tractava quai da total 292 milliuns francs per ils chantuns:
- Basilea CitadVad
- Basilea MuntognaVallais
- Berna
- Giura
- Neuschatel
- Soloturn
Genevra fa cuntrari - e restituescha a la Frantscha
Sco sulet chantun svizzer ha Genevra la pratica cuntraria. Là incassescha il chantun la taglia dals cunfinaris al lieu da la lavur. Suenter restituescha Genevra la summa necessaria a la Frantscha.
RR novitads 15:00