Siglir tar il cuntegn

Header

Il primminister franzos Manuel Valls discurra d'in lung cumbat cunter il terrorissem.
Legenda: Il primminister franzos Manuel Valls discurra d'in lung cumbat cunter il terrorissem. Keystone
cuntegn

Exteriur Franzos duain esser attents

La Frantscha duai sa preparar sin novas attatgas. Quai ha ditg il primminister franzos Manuel Valls. Las attatgas pudessan succeder ils dis che vegnan, ils mais che vegnan. Ed il pajais, sco er auters pajais da l'Europa, stoppian viver ditg cun questa smanatscha.

Nus savain ch’operaziuns èn vegnidas planisadas e vegnan anc planisadas, betg be cunter la Frantscha, mabain era cunter auters pajais europeans.
Autur: Manuel Vallsprimminister franzos

Vinavant ha Valls ditg al radio franzos RTL che las attatgas sajan vegnidas planisadas ed organisadas da la Siria anora. La Frantscha stoppia viver ditg cun questa smanatscha da terrorissem. El na possia era betg sclauder ulteriuras attatgas ils dis u las emnas vegnintas. Valls ha accentuà che la Frantscha veglia destruir il SI.

L’aviatica militara franzosa aveva anc la dumengia attatgà la milissa da terror Stadi Islamic en ses center principal sirian, Al-Rakka.

Dapi venderdi haja la polizia franzosa fatg pli che 150 razzias en circuls islamistics.

RR novitads 9:00

Artitgels legids il pli savens

Scrollar a sanestra Scrollar a dretga