Ils fugitivs vulevan cuntanscher la Gronda Britannia cun la nav-fera. Durant in'acziun d'enturn trais uras han radund 80 policists prendì ils fugitivs giu da la nav. 24 persunas sajan vegnidas arrestadas, uschia las autoritads.
Vers la saira ha il manaschi da port lura pudì cuntinuar sco usità.
La manifestaziun paschaivla d'enturn 2’000 persunas è stada drizzada cunter las circumstanzas en il champ da Calais. Là èn millis fugitivs - che vulan ir vinavant vers la Gronda Britannia - bloccads sut circumstanzas miserablas.
RR novitads 08:00