Siglir tar il cuntegn

Header

Navigaziun

Bastiment.
Legenda: Il bastiment da l'organisaziun Sea-Eye è sin via vers Malta. Keystone
cuntegn

Fugitivs Mar Mediterrana Malta serra ses port per bastiment «Alan Kurdi»

Suenter dispitas cun l'Italia era il bastiment da salvament tudestg «Alan Kurdi» sa mess sin viadi vers Malta. Sco igl è uss vegnì enconuschent, ha er la Malta serrà ses port per il bastiment. Tenor atgnas indicaziuns, ha la organisaziun Sea-Eye salvà ils migrants en auas internaziunalas avant la costa da la Libia.

Anc n'ha l'organisaziun dentant betg pers la speranza. Els sajan persvas che Malta avria il port, uschè prest che la Germania u l'UE hajan confermà da prender si ils fugitivs, ha declerà ina pledadra da Sea-Eye.

Situaziun sin il bastiment pudess vegnir critica

Ins na possia betg spetgar enfin ch’i dettia ina stadi d’urgenza sin il bastiment, aveva annunzià l’organisaziun d’agid Sea-Eye avant che partir vers Malta. Senza agid daventia la situaziun a bord critica en dus fin trais dis.

Il bastiment cun 65 migrants aveva spetgà la sonda durant uras avant l’insla taliana Lampedusa. Il minister da l’intern talian, Matteo Salvini, aveva però scumandà da sbartgar en il port talian.

RR novitads 07:00