Exteriur - Fugitivs moran en l'Austria en in camiun da cuntrabandist
En l’Austria èn plirs fugitivs morts en in camiun da cuntrabandist. Tenor la polizia era il camiun parcà sin l'autostrada al sid da Vienna en vischinanza dal cunfin ungarais.
La polizia discurra d'almain 20 persunas ch'èn vegnidas per la vita en il camiun. Da raschun sajan ils fugitivs stenschids en in il vehichel. Il camiun era parcà a l'autostrada en il Burgenland. Chattà il camiun ha in collavuratur da l'autostrada ch'era vi da segar.
Mintga di vegnan fugitivs sur la Grezia, Macedonia, Serbia e l'Ungaria vers l'Europa dal Vest. La gronda part dad els èn Sirians.
