Siglir tar il cuntegn
Inhalt

Exteriur Fugitivs Rohingya en champs provisorics

La minoritad dals Rohingya duajan viver provisoricamain en champs da recepziun suenter lur return en patria. Quai ha il minister da l'exteriur dal Bangladesch ditg avant schurnalists a Dhaka.

Baraccas d'in champ da fugitivs
Legenda: Anc vivan ils fugitivs en champs da fugitivs en il Bangladesch. Keystone

Myanmar ed il Bangladesch èn sa cunvegnids suenter pliras emnas ch'il return dals fugitivs Rohingya duaja cumenzar entaifer dus mais. Betg cler è dentant quants dals 620'000 fugitivs che duajan turnar a Myanmar.

Return vegn surveglià

Organisaziuns dals dretgs umans han pretendì ch'il return dals fugitivs vegnia surveglià davart instituziuns independentas. Per in return segir lavurian Myanmar e Bangladesch cun l'agid da fugitivs da l'ONU UNHCR (Autcumissariat da las Naziuns Unidas per ils fugitivs).

Chasadas e vitgs èn destruids – champs datiers da lur vitgs

Plinavant ha il UNHCR fatg attent che entirs vitgs stoppian vegnir reconstruids. Suenter lur return duajan ils Rohingya viver en champs datiers da lur vitgs, ha communitgà la regenza da Bangladesch.

RR novitads 11:00