Radund 4’000 fugitivs sirians èn returnads en la citad da Kobane, rapportan agenturas da novitads. Avant las attatgas da la milissa da terror Stadi islamic vivevan en la citad siriana al cunfin cun la Tirchia radund 200’000 persunas, surtut curds.
Kobane è vegnì tar in simbol da la resistenza cunter la milissa da terror Stadi islamic. Cumbattants curds da la Peschmerga ord l’Irac han sustegnì la defensiun sco era attatgas ord l’aria tras il militar dals Stadis Unids da l’America.
RR novitads 18:00
SDA/sh
