Exteriur - Fugitivs – UE duai sa prender in exempel da l’Australia
Il minister da l'exteriur austriac, Sebastian Kurz, propona da pigliar giu fugitivs en la Mar mediterrana cun la finamira «Europa» e da trametter enavos quels en lur patria u da tegnair a ferm els sin inslas.
Sebastian Kurz s'orientescha uschia vi da la pratica d'asil dispitaivla da l'Australia. L'Uniun europeica possia s’orientar tar pl model australian «sco exempel», ha ditg Kurz envers la «NZZ am Sonntag» ed envers la «Presse am Sonntag».
Tgi che stoppia viver sin in'insla sco Lesbos e n'haja nagina schanza sin asil saja plitost pront da turnar voluntariamain en la patria, di il politicher da la ÖVP.
