A New York è mort Maurice White, il fundatur da la gruppa da pop «Earth, Wind and Fire». El saja sa durmentà paschaivlamain ha communitgà ses frar e collega da la band, Verdine White, sin facebook. Maurice White pativa da la malsogna da Parkinson. El è vegnì 74 onns.
La gruppa è vegnida fundada ils onns 70 a Chicago ed ha influenzà la musica cun ses stil ch'era inspirà da soul e funk. Ella è vegnida enconuschenta cun hits sco «September», «Boogie Wonderland» u «Let's groove».
RR novitads 06:00