Il fundatur da Red Bull, Dietrich Mateschitz, è mort en la vegliadetgna da 78 onns suenter lunga e greva malsogna. Quai ha confermà la squadra da Red Bull a l’ur dal Grond Premi dals Stadis Unids envers l’emettur Sky.
Il milliardari austriac ha investì ina gronda part da sia facultad en il sport. Betg mo en la furmla 1, mabain er en ils clubs da ballape RB Salzburg ed RB Leipzig. Plinavant ha el sponsurà atletas ed atlets da disciplinas extremas e da trend.
Er tutgà tar ses imperi han medias, tranter auter l’emettur Servus TV. Mateschitz ch’è mai stà maridà lascha enavos in figl da 29 onns.
Ord l'archiv
video
Red Bull e Sauber van vias separadas
Or da Tagesschau dals 15.11.2004.
laschar ir. Durada: 2 minutas.