Siglir tar il cuntegn

Header

cuntegn

Fundaziun dal WEF I dovra anc bleras generaziuns fin l’egualitad da dunna ed um

La crisa da corona retardescha per decennis l’egualitad tranter dunna ed um. Avant dus onns quintava in studi da la fundaziun dal WEF anc, da cuntanscher l’egualitad aifer 95 onns. Il segund onn da la pandemia è la prognosa pegiurada sin 135,6 onns.

Las dunnas sajan vinavant confruntadas cun obstachels en la vita economica, ed era cun sa participar a la vita politica. I restia per bleras ina sfida, da restar cun famiglia en la vita professiunala, scriva la fundaziun dal Forum mundial d’economia.

La pandemia haja tutgà pli fitg las dunnas, damai ch’ellas lavurian savens en branschas pertutgadas da restricziuns u serradas. Plinavant hajan las dunnas era surpiglià la gronda part da la tgira d’uffants e da seniors durant la crisa.

Svizra cun dapli egualitad

En la rangaziun mundiala è la Svizra sa meglierada da plaz 18 sin 10, gist avant la Germania. La pli gronda egualitad tranter dunna ed um datti tenor quest studi dal WEF en Islanda, Finlanda e la Norvegia.

RTR novitads 06:00

Artitgels legids il pli savens

Scrollar a sanestra Scrollar a dretga