Siglir tar il cuntegn

Header

Purtret da la chasa da Warner.
Legenda: Time Warner posseda ils emetturs da televisiun CNN ed HBO sco era il studio da films Warner Bros. Keystone
cuntegn

Exteriur Fusiun da AT&T e Time Warner fruntan sin resalvas

La fusiun planisada tranter AT&T e Time Warner frunta sin resalvas da la politica en ils Stadis Unids. Il senat ha annunzià d’examinar exact quest plan. Il november dettia in’audiziun.

La fusiun planisada tranter AT&T e Time Warner frunta en ils Stadis Unids sin resalvas da la politica. Il senat ha annunzià d’examinar exact quest plan. Il november dettia in’audiziun. Il concern da telecommunicaziun AT&T vul cumprar il concern da medias Time Warner per passa 85 milliardas dollars, sco quai ch’ils dus concerns han communitgà. Quai pudes chaschunar problems per la concurrenza libra sin il martgà. La fusiun duaja esser terminada fin la fin da l’auter onn.

Il candidat per il vizepresidi dals Stadis Unids, Tim Kaine ha era dubis ch'ina tala fusiun fiss buna. El saja per ina concurrenza libra. I saja meglier da na betg concentrar memia fitg las medias.

Donald Trump ha manegià ch'el na lubiss betg la fusiun. AT&T fetschia maldiever da ses monopol e tar ina fusiun avessan els memia blera pussanza.

Il gigant da telecom AT&T aveva annunzià la sonda da vulair cumprar il concern Timer Warner che posseda tranter auter ils dus emetturs da televisiun HBO e CNN ed era il studio da films Warner Bros. Sche la fusiun vegniss lubida fiss quai la pli gronda da quest onn.

RR novitads 11:00

Artitgels legids il pli savens

Scrollar a sanestra Scrollar a dretga