Siglir tar il cuntegn

Header

Minuta da silenzi durant l'inscunter dals G20 en Tirchia.
Legenda: Minuta da silenzi durant l'inscunter dals G20 en Tirchia. Keystone
cuntegn

Exteriur G20 - cumbat pli rigurus cunter terror

Las attatgas a Paris fatschentan era l'inscunter suprem dals pli gronds stadis industrials G20. Tenor il sboz per la decleranza finala vulan ils schefs da stadi cunzunt cumbatter il terrorissem cun controllar ils daners per terrorists e cun sminuir la libertad da sa mover per persunas extremistas.

En il sboz vulan ils stadis G20 er controllar ils cunfins, per sminuir il privel da persunas extremistas che returnan or da stadis cun guerra civila che pudessan commetter acts da terror.

Ulteriurs temas da l'inscunter G20 èn la crisa da fugitivs e la protecziun dal clima. L'inscunter va a fin quest glindesdi.

Discurs tranter Angela Merkel e Wladimir Putin

A l'ur da l'inscunter G20 èn la chanceliera tudestga Angela Merkel ed il president russ Wladimir Putin sa scuntrads per in discurs. En il discurs da var 40 minutas hajan Merkel e Putin explitgà in a l'auter lur vista dal conflict en la Siria, hai num da la regenza tudestga. Ed era l'Ucraina saja stada in tema. Detagls dal discurs na datti dentant betg.

Avant era Putin gia vegnì ensemen cun il president american Barack Obama. Ils dus schefs da stadi sajan d'accord che la Siria dovria ina fasa da transiziun politica creada en il pajais sez, ha communitgà la regenza americana.

RR novitads 8:00/14:00

Dapli da Exteriuravrir la Landingpage

Nach links scrollen Nach rechts scrollen