Siglir tar il cuntegn

Header

cuntegn

Exteriur G20 va a fin cun pachet d’acziun

En la decleraziun finala han ils schefs da stadi e da regenza dals pajais ils pli industrialisads e novs pajais industrials fixà da s'engaschar cun in plan d'acziun per puspè dar schlantsch a l'economia mundiala.

Ultra da quai pretendan ils G20 dapli solidaritad en la crisa da fugitivs e dapli engaschi per il clima. Tar la Siria n'hai dà naginas schliaziuns. Differentas organisaziuns crititgeschan ils resultads maghers da l'inscunter.

Eventualas sancziuns cunter oasas fiscalas

La gruppa dals G20, ils pajais ils pli industrialisads e novs pajais industrials, vulan far frunt ad oasas fiscalas e smanatschan cun sancziuns.

En la decleraziun finala da l'inscunter dal G20 en China conferman ils pajais da vulair accelerar las mesiras cunter trics fiscals. Plinavant vulan ils G20 barattar infurmaziuns fiscalas.

L'organisaziun da cooperaziun e svilup economic en l'Europa, l'OECD, duai ultra da quai preparar ina glista dals pajais che cuntrafan als standards da transparenza internaziunals.

RR novitads 14:00

Artitgels legids il pli savens