Siglir tar il cuntegn

Exteriur G7 sa cunvegnan a mesiras per dar schlantsch a l'economia

La gruppa dals 7 pajais ils pli industrialisads è sa cunvegnida ad in mix d'instruments per dar schlantsch a l'economia munidala.

logo G7 Giapun
Legenda: Ils ministers da finanzas ed ils schefs da las bancas naziunalas dals G7 èn sa radunads en il Giapun. Keystone

La gruppa saja sa cunvegnida che l'economia mundiala dependia da refurmas da las structuras, da la politica monetara e da la politica da finanzas. Il pli impurtant sajan entant che las structuras vegnian refurmadas, uschia il minister da finanzas tudestg suenter l'inscunter en il Giapun.

Ina creschientscha persistenta possia be dar cun talas refurmas. Ins saja plinavant sa cunvegnì ch'i na giaja betg per dar ora usche blers raps sco pussaivel mabain d'investir quels correct e cun ina clera finamira. In pachet da conjunctura communabel han ils G7 refusà.

RR novitads 10:00