La Gronda Britannia fa valair ch'i dettia indizis per in attentat cun bumba. I saja vegnì evaluà differentas funtaunas, avant ch'ins saja vegnì a questa conclusiun, ha ditg il minister da l'exteriur britannic Philip Hammond.
Sco mesira da precauziun ha la Gronda Britannia per il mument franà tut ils sgols da Scharm el Scheik a Londra, e viceversa. En l'Egipta vegnan entant evaluads ils 2 noda-sogls da l'aviun.
L'Ollanda stritga era ils sgols da Sharm el Scheik; quai suenter in inscunter dal coordinatur d'anti-terror cun represchentants da las societads aviaticas e dal servetsch secret.
RR novitads 07:00/12:00