Cun las CHF 7 milliardas vul la regenza promover la construcziun dad abitaziuns. Cun engrondir il terren da bajegiar e cun dar credits pli favuraivels duai quai gartegiar, è la regenza persvadida. Sco quai ch’il minister da finanzas Philip Hammond ha ditg, vul el duvrar tut ils instruments a disposiziun per promover e garantir la construcziun dad abitaziuns pajablas. Era sche la situaziun sin il martgà d’immobiglias è ussa damain tendida, è il fit d’abitaziuns en grondas citads memia aut per blers Brits.
RR novitads 06:00