Siglir tar il cuntegn

Exteriur Genua ha prendì cumià da las unfrendas dal «Ponte Morandi»

Cun ina ceremonia da funeral ha l'Italia comemorà las unfredas da al punt d'autostrada ch'è sballunada. Millis persunas han fatg part a la ceremonia.

Il di dad oz è vegnì declerà sco di naziunal da cordoli per la ceremonia da commemoraziun per las unfrendas da la sballunada da la punt d'autostrada. Millis persunas èn sa radunadas en la halla da messa a Genua. Pliras famiglias han però boicottà la ceremonia. Quai per protestar cunter la regenza taliana ch'ellas fan responsabla per la disgrazia.

Chattà 3 ulteriuras baras

La notg sin dona avevan las forzas da salvament chattà 3 ulteriuras baras en in auto sut in bloc da betung. Uschia munta il dumber d'unfrendas a 41 persunas.

Mardi era in toc da radund 180 meters da la punt d'autostrada sballunà durant ina malaura. Blers vehichels eran crudads cun ella en la profunditad. La raschun n'è anc betg sclerida. En emprimas speculaziuns sminan experts ch'ina suga purtanta saja rutta.

RR novitads 06:00+