La dunna da 47 onns e scheffa da fracziun en il Bundestag è vegnida elegida al di da partida extraordinari a Wiesbaden cun 66,35% da las vuschs. Quai è il segund mender resultat dapi la segunda guerra mundiala. Pia è be in schef da partida vegnì elegì cun anc pli paucas vuschs.
En ses pled ha Andrea Nahles empermess da surpigliar responsabladad en la regenza da la gronda coaliziun cun la CDU/CSU, ma er da betg tralaschar da posiziunar da nov l'atgna partida.
Andrea Nahles succeda a Martin Schulz che n'ha betg gì success. El ha pers il cumbat per il post da chancelier l'onn passà cunter Angela Merkel.
Duas candidatas
Igl è l’emprima giada dapi bunamain 23 onns, che duas persunas han candidà per il post sco scheffa da partida. La concurrenta, Simone Lange, ha retschavì 27% da las vuschs.
RR novitads 15:00