Legenda:
Era la Germania fa part ad in'operaziun militara cunter la gruppa da terror "Stadi Islamic" en la Siria.
Keystone
cuntegn
Exteriur - Germania approvescha cler operaziuns militaras cunter SI
Il parlament tudestg ha approvà cun ina gronda maioritad in'operaziun militara cunter la milissa d'extremists Stadi Islamic (SI) en la Siria. 445 parlamentaris han vuschà en favur da quest mandat, 146 han ditg da na.
Cun quai pon aviuns d'exploraziun vegnir transferids en la Tirchia l'emna che vegn. Ils sgols d'exploraziun sur la Siria duain cumenzar il schaner. Era l'Irac vegn ad esser pertutgà da l'operaziun tudestga.
En pli vul la Germania metter a disposiziun in aviun da tanc ed ina fregatta per proteger il porta-aviuns franzos "Charles de Gaulle".
