Siglir tar il cuntegn

Header

cuntegn

Germania Attatga cun pliras unfrendas a Würzburg

Tar in'attatga en la citad da Würzburg èn il venderdi trais dunnas vegnidas mazzadas. Tschintg ulteriuras persunas èn vegnidas blessadas.

Tar l’attatga dal venderdi a Würzburg èn trais dunnas vegnidas mazzadas. Quai ha confermà il president da la polizia dad Unterfranken. Il venderdi suentermezdi aveva in um da 24 onns attatgà pliras persunas cun in cuntè. La polizia ha anc il medem di pudì arrestar l'attatgader.

La polizia n'haja fin uss nagins indizis per ulteriurs delinquents. Davart ils motivs per l'attatga na datti fin uss naginas indicaziuns. L'um era en tractament psichiatric.

Attatga a Würzburg avant tschintg onns

Avrir la box Serrar la box

Avant tschintg onns, ils 18 da zercladur 2016, eran quatter persunas vegnidas blessadas tar in'attatga. In giuven da 17 onns aveva attatga en in tren pliras persunas en in tren regiunal. Silsuenter è il giuven fugì, ha attatgà ina viandanta ed è vegnì sajettà giu da la polizia.

Il rapport da «10 vor 10» da SRF:

video
Um fa attatga a Würzburg
Or da 10 vor 10 dals 25.06.2021.
laschar ir. Durada: 1 minuta 1 Secunda.

RTR Novitads 21:00

Artitgels legids il pli savens