Siglir tar il cuntegn
Inhalt

Exteriur Germania: Dispita davart politica d'asil è terminada

Al cunfin da la Germania e l'Austria duai dar centers da transit per requirents d'asil ch'èn gia vegnids registrads en auters pajais da l'UE.

Horst Seehofer.
Legenda: Horst Seehofer resta en uffizi sco minister da l'intern e schef da la CSU. Keystone

En Germania è la dispita tranter la CDU e la CSU pervi da dumondas da migraziun terminada. La chanceliera Angela Merkel ed il minister da l'intern Horst Seehofer èn sa cunvegnids. Il cumpromiss frunta dentant sin critica.
Al cunfin tranter la Germania e l'Austria vulan la CDU e la CSU endrizzar centers da transit per requirents d'asil ch'èn gia vegnids registrads en auters pajais da l'Uniun europeica. Or da quels centers duain ils requirents d'asil vegnir renviads direct als pajais pertutgads, quai en accordanza cun quels.

Reacziuns fitg differentas da las partidas

Ils sanesters en Germania taxeschan quests centers sco «Champs d'internament da massa». Er la Juso è cunter champs da fugitivs, n'emporta nagut sche quels èn en l'Africa dal Nord, al cunfin exteriur da l'UE u en Germania. La AfD percunter ha ditg che Seehofer haja mo survegnì «schecs betg curclads». La SPD è levgiada ch'ins discurria finalmain puspè dals fatgs, er sch'i dettia anc dumondas.

RR novitads 06:00