Vers mezdi haja dà in’explosiun ed in incendi al port dal nord da la citad Ludwigshafen. Las forzas d’intervenziun sajan anc al lieu. La raschun per l'explosiun n'è anc betg clera.
Gia la damaun avevi dà in accident en in indriz a Lampertheim. Là èn quatter collavuraturs vegnids blessads. L'indriz è silsuenter vegnì serrà. Las raschuns per ils dus accidents n’èn anc betg cleras. Ina contaminaziun da l'ambient na saja betg vegnida constatada.
Als pumpiers èsi reussì da stizzar il fieu sin l’areal dal concern da chemia BASF a Ludwigshafen. Tenor indicaziuns uffizialas n’han las forzas da salvament però anc adina nagin access al lieu da l’incendi. Duas persunas valian anc adina sco sparidas.
RR novitads 14:00