Ils ministers da l'exteriur da la Germania e da la Tirchia, Sigmar Gabriel e Mevlüt Cavusoglu, vulan superar la situaziun tendida tranter ils dus pajais. Per quai intent veglian els er intimar ils ministers d'economia da puspè convocar la cumissiun d'economia tudestg-tirca – quai suenter che quella cumissiun ha fatg ina pausa pli gronda. Quai ha ditg Gabriel a chaschun d'in inscunter cun Cavusoglu. Ils dus ministers s'èn inscuntrads la sonda avantmezdi en la chasa privata da Gabriel a Goslar en il Bundesland Niedersachsen.
Malgrà las tensiuns duai la collavuraziun vegnir fortifitgada sin plirs secturs. Uschia duain ils dus ministeris da l'exteriur era reprender ils discurs stratetgics suenter ina pausa pli lunga.
RR novitads 18:00