Siglir tar il cuntegn

Header

cuntegn

Exteriur Germania: Maassen na daventa tuttina betg secretari da stadi

Enstagl daventa l'anteriur schef da la protecziun dal la constituziun tudestga cusseglier spezial en il minister da l'intern. Quai però senza augment da paja, sco quai ch'il minister da l'intern Horst Seehofer ha communitgà.

Il secretari da stadi, Gunther Adler che avess stuì far plaz a Maassen resta en uffizi sco fin qua. Er ils ulteriurs secretaris da stadi en il ministeri da l'intern restian pli u main cun ils medems pensums en uffizi, uschia Horst Seehofer vinavant.

Hans-Georg Maassen aveva procurà per dispitas tranter la coaliziun da la CDU, CSU e SPD durant las davosas emnas. El era vegnì crititgà fermamain pervi da ses connex cun la partida populistica AFD e commentaris davart ils schabetgs a Chemnitz.

RR novitads 09:00

Artitgels legids il pli savens