Siglir tar il cuntegn
Inhalt

Exteriur Germania: Mobilisar l'armada en cas da terror?

Suenter ils acts da violenza dals ultims dis en Germania debattescha la politica vinavant davart l'engaschament da l'armada en il cas da terror.

Schuldads tudestgs en posiziun al mir d’ina chasa avant d’assaglir quella.
Legenda: Schuldads tudestgs en posiziun al mir d’ina chasa avant d’assaglir quella. Reuters

Politichers da la CSU pretendan ina discussiun davart in tal engaschament sch'i dettia ina situaziun da terror che cuzzia pli ditg. Deputads da la SPD refusan però questa idea: L'armada na saja betg scolada ed equipada per talas acziuns. La SPD pretenda entagl d'augmentar il dumber dals policists per 3’000.

Dumengia saira ha in giuven commess in'attatga cun ina bumba tar in festival en la Baviera. L'attatgader è mort almain 12 persunas èn vegnidas blessadas.

RR novitads 12:00