Siglir tar il cuntegn
cuntegn

Exteriur Germania: Nagins novs scumonds per autos da diesel

En Germania ha la coaliziun da regenza chattà ina soluziun per la dispita da diesel suenter passa sis uras da tractativas. Ins haja decis in concept per aria schubra e per garantir la mobilitad individuala, han communitgà la SPD e la CDU/CSU a Berlin.

L'embuccadira durant tancar diesel en l'auto
Legenda: La nova cunvegna vul impedir ulteriurs scumonds per autos da diesel en citads tudestgas. Keystone

Ins saja sa cunvegnì sin in pachet da mesiras per evitar ulteriurs scumonds per vehichels da diesel en citads tudestgas. Ina part dal pachet èn era adattaziuns tecnicas per autos da diesel pli vegls. Vitiers duai dar purschidas attractivas per animar possessurs d'autos da diesel vegls da cumprar novs.
Ulteriurs detagls n’èn betg vegnids communitgads. Ils ministers responsabels vegnian ad infurmar en il decurs dal di, hai gì num.

RR novitads 06:00