Exteriur - Germania: Punt d’autostrada croda ensemen
En Germania è ina punt d'ina autostrada per part crudada ensemen ed ha sutterrà plirs lavurants. Ina persuna saja morta, 6 ulteriuras sajan vegnidas blessadas grevamain, communitgescha la polizia.
Il vial da la nova punt saja crudada ensemen sin ina lunghezza da 40 meters. Plinavant saja il palancà sbalunà. La punt pertutgada datiers da Werneck en la Baviera vegn il mument stgarpada giu e reconstruida. Il traffic sin l'A7 n'è betg pertutgà directamain cunquai che quel cursescha anc sur la punt veglia.