La Germania vul far dapli controllas als cunfins cun la Svizra, la Pologna e la Tschechia. La regenza tudestga haja annunzià las controllas tar la cumissiun da l'UE, scrivan pliras gasettas tudestgas. Cun quellas controllas staziunaras veglian ins limitar la migraziun ilegala e la fatschenta da transportar sur ils cunfins persunas en fugia. Ina schliaziun per il problem possia dentant mo vegnir cuntanschì als cunfins da l'UE.
La polizia federala da la Germania ha chattà ina organisaziun da transportar persunas (uschenumnads «Schleppers») en plirs pajais, ed ha arrestà tschintg dals commembers. Ad els vegn renfatschà d'avair transportà dapli che 100 persunas. Per mintga persuna hajan ellas pretendì tranter 3'000 e 7'000 Euros.