Siglir tar il cuntegn

Exteriur Germania scumonda gruppa islamistica «Die wahre Religion»

La Germania ha scumandà la gruppaziun radical-islamistica «Die wahre Religion». Per islamists radicals e pronts a la violenza na dettia quai nagin plaz en la societad tudestga, di la regenza.

de Maizière
Legenda: Il minister da l'intern tudestg, Thomas de Maizière, argumentescha il scumond ad ina conferenza da medias il mardi bunura. Keystone

Nagin plaz per radicals violents haja quai en Germania, ha argumentà il minister da l’intern, Thomas de Maizière, il scumond da la gruppa «Die wahre Religion». Ins stoppia dar in segn cler cunter l’abus da la religiun da la vart d’organisaziuns terroristicas. In signal impurtant èsi tenor de Maizière era da scumandar las acziuns da reparter corans da questa gruppa. La Germania sa dostia sco democrazia.

Mardi bunura han las autoritads tudestgas fatg ina gronda razzia en 10 stadis federativs cunter la gruppaziun e ses partisans. Ils policists han perquirì radund 190 moscheas, abitaziuns, biros e deposits.

RR novitads 09:00