Siglir tar il cuntegn

Header

cuntegn

Germania: Traffic da viafier Terza chauma dal persunal en locomotivas

En Germania ha cumenzà la terza chauma dal persunal en las locomotivas, ha communitgà il sindicat dals locomotivists tudestgs. Concret pretenda il persunal en las locomotivas 3% dapli paja. Enfin mardi stoppian passagieras e passagiers quintar cun ferms impediments dal traffic regiunal ed a distanza.

Impediments en Svizra

La Deutsche Bahn ha stritgà pervi da la chauma bleras colliaziuns da trens, tge ch'ha er consequenzas sur cunfin. Tranter auter vegnian las colliaziuns tranter Basilea e Berlin sco er tranter Basilea e Cologna stritgadas, ha communitgà la SBB.

audio
Las novitads da las 06:00
ord Actualitad dals 02.09.2021.
laschar ir. Durada: 6 minutas 22 Secundas.

RTR novitads 06:00;

Artitgels legids il pli savens