Parts da la Germania ston quintar cun plievgia intensiva fin viaden la notg sin gievgia. Quai annunzia il servetsch meteorologic. Uss creschan ils quitads, che la situaziun en las regiuns ch'han gia uss auas grondas daventia anc pli difficila. Per lung dal flum Elbe èn divers territoris inundads. Ed en pliras regiuns dal Bundesland Niedersachsen regurdavan prads ed ers er oz a cuntradas da lais.
-
Bild 1 von 10. Chancelier prend in'egliada sin l'aua gronda datiers da Celle en Germania. Bildquelle: Keystone.
-
Bild 2 von 10. Il flum Aller en Germania è passà sur las rivas. Bildquelle: Keystone.
-
Bild 3 von 10. La citad da Verden è vegnida innundada. Bildquelle: Keystone.
-
Bild 4 von 10. Tabla tar in campadi a Kelbra a Turinga en Germania, ils 31 da december. Bildquelle: Keystone.
-
Bild 5 von 10. Scholz cun il minister da la Saxonia Bassa ils 31 da december. Bildquelle: Keystone.
-
Bild 6 von 10. Ina gronda part d'in campadi è sut l'aua. Bildquelle: Keystone.
-
Bild 7 von 10. Evacuaziun da chasas a Lilienthal en Saxonia bassa, pervia d'il privel ch'in rempar pudess rumper. Bildquelle: Keystone.
-
Bild 8 von 10. Lilienthal en Saxonia Bassa. Bildquelle: Keystone.
-
Bild 9 von 10. Chadaina umana a Haren. Bildquelle: Keystone.
-
Bild 10 von 10. En la Sengbachtalsperre a Solingen stat l'aua fin sum. Bildquelle: Keystone.
En parts da la Gemania resta la situaziun d'aua gronda vinavant tendida: Surtut en la Germania Centrala duaja plover intensivamain ils proxims dis. Quai scriva il servetsch naziunal da meteorologia. Cunzunt en la Saxonia Bassa enturn la citad da Hannover averteschan las autoritads vinavant d’inundaziuns.
En differentas regiuns dal pajais èn ils pumpiers stads en acziun permanenta. Da Bumaun ha il chancelier Olaf Scholz visità las regiuns ed empermess agid da la Confederaziun.