Siglir tar il cuntegn

Exteriur Germania vul sa perstgisar tar la Namibia

La Germania vul sa perstgisar uffizialmain tar la Namibia per il genocid vi da pievel dals Herero e dals Nama. Quai ha fatg a savair l’uffizi da l’exteriur tudestg.

Reichstag a Berlin.
Legenda: Il bajetg dal Reichstag a Berlin. Keystone

Planisà saja ina decleraziun communabla dals parlaments dals dus pajais en la quala il genocid saja numnà explicitamain. La Namibia è stada ina colonia tudestga fin l’onn 1915. Tranter ils onns 1904 e 1908 avevan truppas tudestgas mazzà passà 75’000 persunas dals Herero e dals Nama.

RR novitads 16:00