Exteriur - Germania vul surpigliar fugitivs da l'Italia
500 fugitivs per mais vul la Germania surpigliar da l'Italia. Quai ha il minister dal uffizi da chancelier Peter Altmaier ditg durant sia visita a Roma. Altmaier ha confermà ch'els vegnian a restar solidarics cun l'Italia.
Quest plan è vegnì decidì l'emna passada e duai esser in exempel per auters pajais en l'Europa. Il minister da l'uffizi da chancelier Peter Altmaier ha accentuà da betg vulair laschar l'Italia suletta en la situaziun da fugitivs actuala. L’Italia ha quest onn gia recepì sur 132’000 fugitivs ch’èn vegnids da l’Africa dal Nord sur la mar mediterrana. Sulet l'october gia 12'000.
