Germanwings: segunda blackbox conferma suicidi

In’emprima examinaziun da la segunda blackbox da l’aviun disgrazià en las Alps franzosas ha purtà glisch en la raschun da l'accident.

Maletgs da la segunda blackbox ch'è vegnida chattada quest venderdi. Bild in Lightbox öffnen.

Legenda da maletgs: Maletgs da la segunda blackbox ch'è vegnida examinada quest venderdi. Keystone

Tenor las infurmaziuns evaluadas cun agid dal segund nodasgols haja il copilot da la Germanwings manischà l'aviun sapientivamain en la disgrazia. L’autopilot era vegnì reglà uschia che la maschina saja sa sbassada sin 100 pes.

Quai annunzian las autoritads d’inquisiziun franzosas a Paris. Durant il sgol en descensiun saja plinavant vegnida augmentada pliras giadas la spertadad da l’aviun.

Gia l’examinaziun dal recorder da vuschs aveva mussà ch’il copilot era persul en il cockpit durant la crudada. Quai tenor indicaziuns da la procura publica da Marseille.

RR novitads 12:00