Siglir tar il cuntegn

Exteriur Gia dus candidats per successiun da Cameron ord la cursa

En la cursa per la successiun da primminister David Cameron sco parsura da la partida conservativa da la Gronda Britannia è il candidat cun las paucas vuschs crudà ora suenter l’emprim scrutini, quai era Liam Fox. Il segund candidat che ha dà si la cursa è Stephan Crabb.

Theresa May.
Legenda: Dowining Street 10 en futur il dachasa da Theresa May, fin uss ha ella il pli grond sustegn. Keystone

L’emprima runda da las elecziuns da la fracziun dals conservativs en Gronda Britannia è ida a fin senza grondas surpraisas. La favurita e ministra dal intern Theresa May survegn 165 vuschs dals 330 delegads dals Torys en l’emprim scrutini. Segund meglier resultat fa l’autra dunna Andrea Leadsom cun 66 vuschs. Ils dus umans Michael Gove vegn sin 48 vuschs e Stephan Crabb sustegnan 43 parlamentaris conservativs.

Fox fa las paucas vuschs

Las paucas vuschs ed uschia ord la cursa è Liam Fox. L’anteriur minister da defensiun survegn 16 vuschs, rapporta l’emettur BBC. Suenter l’emprim scrutini ha era il minister da lavur Crabb retratg sia candidatura. Omadus sustegnan uss la candidatura da May.

Suenter in proxim scrutini la gievgia restan anc dus candidats sin la glista. Alura vegnan ils radund 150’000 commembers da la partida a vuschar a scrit sur dal nov manader da la partida conservativa e nov primminister.

RR novitads 21:00