En il Giapun vivan passa 92'000 persunas ch’han tschient onns u dapli. Cumpareglià cun il 2021 saja quai in augment da passa 1’600 persunas. Quai ha communitgà il ministeri da sanadad a Tokio. Tenor quai èn 88% da questas persunas dunnas. A l’entschatta da la registraziun da datas avant 60 onns devi en il Giapun anc 150 persunas sur 100 onns.
En vista al dumber da naschientschas bass e la mancanza d’immigraziun vegn il pajais ost-asiatic pli spert vegl che mintg’autra naziun industrialisada. Il medem mument sa reducescha il dumber da la populaziun vinavant: Il 2022 per bunamain 750'000 persunas sin radund 122 milliuns.