Per firmas Svizras en il Giapun duain dentant dar il medem access al martgà sco per firmas da l'Uniun Europeica. Perquai stoppia la cunvegna da commerzi tranter la Svizra ed il Giapun, che ha gia 10 onns, vegnir renovada. Quai pretenda la presidenta da la gruppa parlamentara Svizra-Giapun, Elisabeth Schneider-Schneiter. Ella haja inoltrà gia il december passà in'interpellaziun pervi da la discriminaziun da firmas svizras che smanatschia.
Ils stadis da l'UE han approvà ils 6 da fanadur la cunvegna cun il Giapun. Il contract ch'è en lavur gia dapi il 2013 vegn suttascrit tar in inscunter a Tikio e duai vegnir realisà l'entschatta 2019.
Il contract che vegn era numnà «Jefta», duai abolir 99% da tut ils dazis tranter ils pajais. I sa tracta da la pli gronda convenziun da commerzi liber che l'UE ha insumma ina giada fatg. Il Giapun è suenter ils Stadis Unids e la China la terz gronda economia publica dal mund. Ensemen dumbran l'UE ed il Giapun passa 600 milliuns abitants.
RR novitads 12:00