Il Giapun ha regurdà da las passa 18'000 unfrendas dal tsunami da l'onn 2011. Il suentermezdi a las 14:46 temp local ha l’entir pajais fatg ina minuta da silenzi. Gist da quest temp avevi avant 7 onns dà il terratrembel en la regiun Tohoku en il nordost dal pajais. La stremblida ha lura chaschunà il tsunami e donnegià tranter auter er l’ovra atomara da Fukushima. Per renatiralisar l'ovra atomara, fan ins quint cun decennis.
Anc adina vivan radund 73'000 persunas da la regiun pertutgada en stabiliments provisorics. Passa 3’500 pertutgads sajan morts pervi da malsognas en connex cun la catastrofa traidubla.
RR novitads 12:00