Tschintg onns suenter la catastrofa atomara a Fukushima ha il Giapun puspè mess en funcziun in ulteriur reactur atomar en la provinza Fukui, quai malgrà protests ord la populaziun.
Il gestiunari Kensai Electric Power ha reactivà il reactur numer 4 da l’ovra atomara Takahama.
Paucs dis avant eran culads ora d'in bajetg vischin 34 liters aua da sfradentar contaminada. La raschun saja stada in defect tecnic. La dosa da radiaziun saja dentant stada sut il cunfin lubì, hai gì num da vart da las autoritads.