Siglir tar il cuntegn

Header

Video
Donns dal taifun en la regiun da Tokio
Or da News-Clip dals 09.09.2019.
laschar ir
cuntegn

Giapun Taifun sur Tokio chaschuna donns

In dals pli ferms stemprads dals ultims onns ha cuntanschì il glindesdi a bun’ura la chapitala dal Giapun Tokio. Il taifun «Faxai» haja paralisà il traffic public: passa 100 sgols sajan vegnids stritgads e bleras lingias da viafier bloccadas. Bunamain 300'000 chasadas sajan stadas senza current electric. Tenor medias localas sajan passa 10 persunas vegnidas blessadas.

Il taifun ha furià cun sveltezzas da passa 200 kilometers per ura. Actualmain sa mova el or sin la mar averta. I saja dentant vinavant da quintar cun ferma plievgia e suffels. Plinavant è er il privel dad inundaziuns e bovas grond. En la metropola da Tokio vivan 36 milliuns umans.

Video
Il Minisguard declera il taifun
Or da Minisguard dals 04.09.2010.
laschar ir

RR novitads 07:00