Siglir tar il cuntegn

Header

cuntegn

Gieus olimpics Flomma olimpica è arrivada en il Giapun

La ceremonia da bainvegni per la flomma è vegnida reducida sin in minimum ed ha gì lieu senza aspectaturs pervia dal coronavirus.

La tradiziunala cursa da faclas en Grezia era gia vegnida annullada. Uss duai questa cursa dentant avair lieu en il Giapun. Ella cumenza ils 26 d'avrigl a Fukushima e finescha cun la festa d'avertura ils 24 da fanadur. Il dumber d'aspectaturs da questa cursa da faclas duai dentant restar tar in minimum, uschia che la cursa vegniss interrutta per cas ch'i dess grondas fullas.

Il president dal Comitè olimpic internaziunal Thomas Bach refusa vinavant tuttas speculaziuns da spustar ils Gieus olimpics a Tokio. Quels cumenzian per en 4 mais e mez, la fin da fanadur, ha Bach manegià en in'intervista cun la gasetta «New York Times».

RTR, novitads 06:00

Artitgels legì il pli savens

Nach links scrollen Nach rechts scrollen