A Paris èn radund 8'000 policists en acziun, 14 chars armads e brigadas da chavallaria. En tut il pajais eran var 69'000 forzas da segirezza en acziun. Avant l'opera Garnier han ils «Gilets jaunes» organisà in sit-in. Els èn stads en schanuglias, mauns davos il chau. Quai sco protesta cunter la fermanza en massa da scolars d'avant intgins dis. Els avevan protestà cunter la refurma en il sectur da furmaziun. I haja gia dà emprimas arrestaziuns.
La sonda passada eran ils protests escalads. Blers autos ardevan en il center da la chapitala, fatschentas èn vegnidas donnegiadas e butias èn vegnidas sblundregiadas. A Paris eran bunamain 2'000 persunas vegnidas arrestadas.
RR novitads 14:00
