Siglir tar il cuntegn
cuntegn

Exteriur «Gilets jaunes»: Macron na vul betg metter ieli en il fieu

Il president Emmanuel Macron na veglia anc betg discurrer tar la crisa: Areguard las acziuns da protesta ch'èn planisadas per damaun na veglia el betg prender posiziun, per betg metter ieli en il fieu, scriva l'agentura da novitads svizra SDA.

Legenda: Guardar il video Frantscha - Gilets Jaunes tge munta quai?. Durada 00:34 minutas.
Or da RTR Social dals 04.12.2018.

La Frantscha vegn squassada dapi intginas emnas da las acziuns da protesta dals «gilets jaunes». Per damaun sonda èn vegnidas annunziadas puspè acziuns da protesta en tut la Frantscha – quai malgrà che la regenza haja gia fatg concessiuns al moviment da protesta, scriva l'agentura da novitads SDA.

Tour Eiffel vegn serrada damaun sonda

Perquai che las autoritads franzosas teman puspè acziuns violentas durant las protestas, sajan mobilisads radund 90'000 policists en tut il pajais – sulet a Paris sajan quai 8'000.

Sco ulteriura reacziun vegn serrada damaun sonda la Tour Eiffel, han communitgà las autoritads. Ils excess spetgads da las demonstraziuns fetschian ch'i saja nunpussaivel da procurar per ina «segirtad commensurada».

RR novitads 11:00