Siglir tar il cuntegn

Exteriur Giunta dal IOC decida

Ina giunta dal comité olimpic internaziunal IOC duai decider definitiv, tge sportistas e sportists russ che dastgan sa participar als gieus olimpics da stad a Rio de Janeiro.

logo IOC
Legenda: La giunta dal comité olimpic internaziunal decida, tge atletas ed atlets russ che dastgan ir a Rio e tgenins betg. Keystone

Avant aveva l'IOC surlaschà a las federaziuns mundialas da mintga singul sport da giuditgar, a tgi ch'i saja lubì da sa participar als gieus olimpics ed a tgi betg. Tenor il comité vegnia uss ina giunta da 3 d'els a giuditgar definitiv.

La raschun zuppada è in rapport da l'agentura mundiala anti-doping Wada, che rinfatscha a la Russia doping controllà dal stadi.

RR novitads 06.00